Ветка можа здзіўляць бясконца! Унікальная калекцыя традыцыйнага ткацтва, майстар-класы аднеглюбскіх ткачых, Мікольская царква і яе "тканы ўбор", традыцыйныя танцы і спевы ад "Стаўбунскіх вячорак" і найсмачнейшае застолле! Пагружаемся ў традыцыю з галавой!

Ткацтва – тэхналогія, якая валодае сапраўднай магіяй!

Нас чакае незабыўны дзень з поўным пагружэннем у ткацтва: экскурсіі, лекцыі, майстар-класы, этна-вечарына, традыцыйная ежа, майстры сваёй справы і сакральныя мясціны!

Выезд з Гомеля ў суправаджэнні атэставанага экскурсавода з расповедам “Каляндар традыцыйнага ткацтва”

Экскурсія ў Веткаўскі музей: “Як тыпішаш буквы, так я – урозы…”

Веткаўскі музей знаёміць з сапраўдным “космасам” традыцыйнага ткацтва, дзе няма дакладнай мяжы паміж тэхналогіяй і магіяй!

У калекцыі традыцыйнага тэкстылю (уключаючы традыцыйныя строі) больш за 3600 прадметаў. Гэта ўнікальны па «шчыльнасці» прадстаўленых традыцый рэгіянальны збор і самы «апублікаваны» (выдадзена калектыўная манаграфія музея «Арнаменты Падняпроўя» — Мінск, 2002). Выключны інтарэс прадстаўляе спосаб набыцця экспанатаў падчас паслядоўных экспедыцый, якія даследуюць традыцыі ткацтва і іх «перацяканне» ўздоўж мясцовых рэк і іх прытокаў. Пры гэтым збіраецца і затым прадстаўляецца не толькі ўзорная тканіна, але і багатая абрадавая, фальклорная культура. Унікальным стаў збор мясцовай тэрміналогіі ткацтва (больш за 600 назваў арнаментальных элементаў).

У выніку экспазіцыі ткацтва падаюцца ў іх сувязі з духоўнымі традыцыямі, якіх выдзяляецца сем. Шэраг вітрын пастаяннай экспазіцыі спецыяльна прысвечаны семантыцы арнаменту. Прадстаўлены тэмы: «Знакі геаметрычнага парадку», «Сімвалы Сусветнага дрэва», «Дзявочыя і жаночыя знакі», «Антрапаморфныя і зааморфныя вобразы», «Нябесныя знакі» і іншыя. Касцюм даследуецца на мясцовых матэрыялах з пункту гледжання семантыкі строя і арнаменту, а таксама з пункту гледжання этнаграфічных варыянтаў вобраза жанчыны. Сабраны поўнасцю або часткова некалькі строяў жаночага адзення, характэрных для рэгіёна.

Знаёмства з Нелюбкай пачынаем з Мікольскай царквы

Унікальная ткацкая традыцыя ў тандэме са звычаямі “абракацца” (ахвяраваць ручнікі на іконы) нарадзіла ў неглюбцы неймаверна прыгожую прастору мясцовай царквы.

Далей знаёмімся з інтэр’ерам неглюбскай хаты і ладзім майстар-клас па ткацтву ў Неглюбскім сельскім цэнтры ткацтва

Неглюбская хата – гэта цэлы космас і асаблівая прастора не толькі для цела, але і для душы.

Самі ж Неглюбскія ручнікі з'яўляюцца ГІСТОРЫКА-КУЛЬТУРНАЙ СПАДЧЫНАЙ Рэспублікі Беларусь!
Унікальнасць неглюбскай мастацкай традыцыі стала шырока вядомай у 1970-я гады дзякуючы шэрагу буйных выстаў і культурных акцый. Выдатныя прыклады ўмельства неглюбскіх майстрых дэманстраваліся не толькі на выставах дэкаратыўна-прыкладнога мастацтва ў СССР, але ў Італіі, Германіі, Вялікабрытаніі, Японіі, Бельгіі, Францыі, Канадзе, ЗША. Неглюбскія рушнікі ўпрыгожваюць адну з залаў ААН.

Цэнтрам аднаўлення тэкстыльнай традыцыі сёння з’яўляецца Неглюбскі сельскі цэнтр ткацтва. Узначальвае ўстанову Уладзімір Кавалёў, у ткацкай майстэрні працуюць тры народныя майстары Рэспублікі Беларусь Людміла Кавалёва, Таццяна Суглоб, Алена Дзямчыхіна. Пры цэнтры дзейнічае ткацкая майстэрня, дзе займаюцца дзеці і падлеткі, клуб ткачых — выдатнае згуртаванне старэйшых носьбітаў, скарбніца ведаў пра мясцовае майстэрства. У цэнтры працуе крама па рэалізацыі сувенірнай прадукцыі і невялікі музейны пакой гісторыі мясцовага рамесніцтва.
Акрамя ткацтва ручнікоў, сурвэтак і іншай сувенірнай прадукцыі майстры-выкладчыкі засвойваюць выраб традыцыйнага строю — ткацтва панёў, сарочак, платкоў, намітак, выраб дзявочага галаўнога ўбору, разнастайных упрыгожанняў.

Абраканне з ручніком ля святой крыніцы

Заедзем з аброчным ручніком да таямнічай неглюбкай крыніцы і загадаем кожны сваё самае запаветнае жаданне, бо ў такіх месцах жаданні абавязкова збываюцца!

Далей нас чакае наступная чароўная традыцыя Веткаўшчыны  - сустрэча с гуртом "Стаўбунскія вячоркі"

Некалькі дзесяцігоддзяў таму ў модзе былі масавыя рэчы, ніхто не бянтэжыўся з той нагоды, што яны як пад капірку. Зараз жа ў топе ўсё арыгінальнае і сваё, у дачыненні да культуры правільней сказаць — аўтэнтычнае. Фальклорны этнаграфічны калектыў «Стаўбунскія вячоркі» Стаўбунскага СДК, а таксама яго кіраўніка Святлану Парашчанку, якая болей 40 гадоў ім руліць, ведаюць далёка за межамі Веткаўскга раёна. Ініцыятыўная, руплівая завадатарка — калі коратка, то менавіта так пра Святлану Іванаўну адзываюцца каляжанкі. «Стаўбунскія вячоркі» адраджаюць мясцовыя абрады, танцы і песні, і толькі характэрныя для сваёй вёскі.

Гурт з багатай творчай біяграфіяй. Як толькі сфарміраваўся першы склад, у Ленінградзе, у Пушкінскім Доме, запісвалі свой рэпертуар на пласцінку. Спявалі і спяваюць так, што вёска грыміць! Звычайна ў адзін голас, але моцна і шчыра. Менавіта таму «Стаўбунскія вячоркі» — частыя госці на розных фестывалях, бывалі ў Маскве, Волагдзе, Вільнюсе, Мінску. Пра іх нават выпушчана кніга «Цень стралы» і фільм "Страла"

Разам станцуем традыцыйныя “Лявоніху”, “Кракавяк”, “Падыспанец”, “Карапет”, "Карманьчыкі" і, канешне, "Польку"!

Пад кіраўніцтвам Святланы Іванаўны таксама паспрабуем адчуць і праспяваць аўтэнцычную песню з мясцовага рэпертуару.

І замацуем "смак вандроўкі" смакам мясцовай традыцыйнай кухні!

Кошт тура з выездам з Гомеля: 120 руб./чал.

Камфортная турыстычная група (18 чалавек) з цудоўным гідам!

Праезд, уваходныя квіткі ў музей, экскурсіі і ўсе актыўнасці, ланч і абед уключаны ў кошт тура!

Колькасць месцаў абмежавана!!!

+37529 77 88 450 - Пятро і каманда "Мора Вандраванняў"

Тэлефануйце і мы забраніруем для Вас неабходную колькасць месц!